कैलाली, ११ जेठ । ब्यूरोबाट खटिए आएको असई हुँ भन्दै ठगी गरेको अभियोगमा प्रहरीले एकजनालाई पक्राउ गरेको छ ।

पक्राउ पर्नेमा धनगढी उपमहानगरपालिका-५ शिबनगर बस्ने २६ वर्षीय निराजन थापा छन् । धनगढी उपमहानगरपालिका-४ बसपार्कस्थति धामी होटलका सञ्चालकलाई बिगत २/३ दिनदेखि पटक पटक ब्यूरोबाट खटि आएको असई भन्दै रकम मागेको भन्ने सूचनाको आधारमा अस्थायी प्रहरी पोष्ट बसपार्कबाट खटिएको प्रहरीले थापालाई पक्राउ गरेको हो।

यस सम्बन्धमा प्रहरीले आवश्यक अनुसन्धान गरिरहेको छ।