काठमाडौँ । नेकपा प्रचण्ड–नेपाल समूहकी नेतृ रामकुमारी झाँक्रीलाई प्रहरीले पक्राउ गरेको छ ।

नेतृ झाक्रीले राष्ट्रपति विद्यादेवी भण्डारीबारे गरेको टिप्पणीको कारण महानगरीय अपराध महाशाखाको टोलीले झाँक्रीलाई उनकै घरबाट पक्राउ गरेको हो ।

नेकपा ओली समूहसम्बद्ध अखिल नेपाल महिला संघले नेतृ झाक्रीलाई कारवाही गर्न प्रधानमन्त्री केपी शर्मा ओली र राष्ट्रपति भण्डारीलाई ज्ञापनपत्र समेत बझाएको थिए ।

यसैबीच नेकपा नेतृ रामकुमारी झाँक्रीलाई प्रहरीले पक्राउ पुर्जी थमाएको छ। उनलाई राजयविरुद्धको अपराध तथा सजाय ऐनको दफा ५८ अनुसार पक्राउ पुर्जी दिइएको हो ।

आफूलाई पक्राउ गर्न निवासमा आएको प्रहरी टोलीलाई झाँक्रीले पक्राउ पुर्जी लिएर आउन भनेकी थिइन् । ‘तपाईंलाई राज्यविरुद्धका कसुरअन्तर्गत दफा ५८ को कसुरको अनुसन्धानको सिलसिलामा तत्काल पक्राउ गर्नुपरेकोले यो पुर्जी जारी गरिएको छ,’ पक्राउ पुर्जीमा उल्लेख छ। पुर्जीमा महानगरीय अपराध महाशाखाका डीएसपी दुर्गाराज रेग्मीको हस्ताक्षर छ।