सोलुखुम्बु ।थुलुङ (राई) सामा प्रारम्भिक समिति नेचासल्यान गाउँपालिका वडा नं।(४ ले सोमबार एक कार्यक्रम आयोजना गरि थुलुङ राई समुदायको बृहत्तर हित र बिकासमा आर्थिक नैतिक तथा भौतिक सहयोग गर्नुहुने सबै सहयोगी मनहरुलाई धन्यवाद दिएको छ । आगामी दिनहरूमा पनि सहयोगको अपेक्षा राख्दै समृद्धि र बिकासका लागि नयाँ नयाँ सम्भावनाहरुको खोजी गर्न, लोप हुने अवस्थामा पुगेका संस्कृतिहरुको अभिलेख तयार गर्न तथा प्रस्तावित कामहरुका लागि सहयोग जुटाउन निकट भविष्यमै त्यो सम्बन्धि चासो र चिन्ता लिनुहुने विज्ञ र अनुभवि महानुभावहरु समेटेर समन्वय समितिहरु बनाउने पनि निर्णय गरेको छ ।

पछिल्लो चरणमा नेचासल्यान गाउँपालिकाको आर्थिक सहयोगमा किराँती समुदायहरुमा प्रचलित सिलि प्रशिक्षण कार्यक्रम एक हप्तासम्म सञ्चालन भएको थियो । यस कार्यक्रमबाट कम्तिमा पनि ३० जना प्रशिक्षार्थीहरुले सिलि सिक्न सफल भएको कुरा प्रारम्भिक समितिका सचिव युजन थुलुङ बताउनुहुन्छ ।
सिलि प्रशिक्षणका लागि प्रशिक्षकको रुपमा छविलाल थुलुङ् राई, मुगाधन थुलुङ राई, गौधन थुलुङ राई, रामकुमारी थुलुङ राई र माइतिलच्छी थुलुङ राईलाई तोकिएको र उहाँहरुले आफ्नो जिम्मेवारी कुशलतापूर्वक निर्वाह गर्नुभएको कुरा समितिका उपाध्यक्ष बुधराज थुलुङ राईले जानकारी गराउनुभयो ।त्यसै गरि ७ दिनसम्म सौहार्दपूर्ण वातावरणमा कार्यक्रम सम्पन्न भएको कुरा कार्यक्रम सह प्रस्तोता धनवीर थुलुङ राईले हामीलाई जानकारी गराउनुभयो भने प्रशिक्षकलाई सामान्य पारिश्रमिक र सम्मान पत्र र प्रशिक्षार्थी महानुभावहरुलाई प्रमाण पत्र प्रदान गरिएको कुरा समितिका कोषाध्यक्ष पुष्पा थुलुङ राई बताउनुहुन्छ ।

उक्त कार्यक्रम भइरहदा नेचासल्यान -४ फुर्के निवासी हाल युकेमा रहनुभएका श्री प्रश्नबहादुर थुलुङ राईबाट रू १७,०००/र- बराबरको ग्रो (झ्याम्टा) र ढेला ९ढोल० साथै नेचासल्यान-४ डाँडागाउँ निवासी श्रीमती शोभा थुलुङ राईबाट १०,०००/-र बराबरको ग्रो (झ्याम्टा) प्राप्त भएको कुरा संस्थाका अध्यक्ष तेजबहादुर थुलुङ राई बताउनुहुन्छ ।
त्यसै गरि स्थायी घर नेचासल्यान -४ सिरानदेल भई हाल युके निवासी दम्पतीद्वय तेजबहादुर थुलुङ राई ९ज्ञानु० तथा चन्द्रकुमारी थुलुङ राईको तर्फबाट संस्थाको सहयोगका लागि रु। ५०,०००/-र (पचास हजार) आर्थिक सहयोग प्राप्त भएको छ ।

संस्थालाई सहयोग गर्ने वुवा आमाको धेरै अघिदेखि नै इच्छा भएको तर समय अभाव र बसाइ टाढा रहेकोले सहयोग गर्न नसकिएको कुरा उहाँहरुका छोरा डेनिस थुलुङ राईले बताउनु भयो । उक्त आर्थिक सहयोग उहाँहरुको तर्फबाट छोरा डेनिस थुलुङ राई मार्फत हस्तान्तरण भएको थियो ।