काठमाडौं,१४ असोज । नेपाली कांग्रेसले महाधिवेशन प्रतिनिधि शुल्क तीन हजार पाँच सय तय गरेको छ । १८ असोजदेखि हुने १५ औं महाधिवेशनमा सहभागी हुने प्रतिनिधिको शुल्क निर्धारण गरिएको हो ।

१५ औं महाधिवेशनमा अघिल्लो महाधिवेशनमा भन्दा दुई हजार भन्दा बढी प्रतिनिधि हुनेछन् ।१४ औं महाधिवेशन ४७ सय बढी प्रतिनिधि थिए । यसपटक करिब सात हजार प्रतिनिधि हुने निर्वाचन समितिले जानकारी गराएको छ । १४ औं महाधिवेशनमा एक प्रतिनिधि सभा क्षेत्रबाट २६ जना प्रतिनिधि चयन भएका थिए । यसपटक विधान संशोधन गरेर ३३ जना प्रतिनिधि छनोट हुने विधि बनाइएको छ ।

प्रतिनिधिका लागि होटल बुकिङ पार्टीले गर्ने भए पनि बसेको शुल्क भने प्रतिनिधि स्वयंले तिर्नुपर्नेछ ।