सोलुखुम्बु।नेकपा एमालेको भातृ संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को २३ औं राष्ट्रिय महाधिवेशनका लागि सोलुखुम्बुबाट १० जना प्रतिनिधि छनौट भएका छन्।

जिल्लाबाट खुलातर्फ ३,क्याम्पस कमिटीबाट ५ र स्थानीय तह कमिटी तथा माबि कमिटीबाट एक एक जना प्रतिनिधि छनौट भएको जिल्ला कमिटी सचिब ङवाङ तेञ्जी शेर्पाले जानकारी दिए। शेर्पाका अनुसार खुलातर्फ अध्यक्ष गौरव राई,सचिब ङवाङतेञ्जी शेर्पा र मिङ्मार याङ्जी शेर्पा (महिला)चयन भएका छन् ।

यस्तै, क्याम्पस कमिटी तर्फ दुधकोशी क्याम्पसबाट आशिष बास्तोला,बिपी संस्कृत क्याम्पसबाट पुन्यप्रसाद कटेल,सोताङ पब्लिक क्याम्पसबाट भुपाल राई,हिमाल दर्शन क्याम्पसबाट टीकाराम खनाल र सोलुखुम्बु बहुमुखी क्याम्पसबाट प्रताप राई चयन भएका छन् ।

त्यसैगरी,स्थानीय तह कमिटीबाट मिलन नाछिरिङ र माबि कमिटीबाट मिङ्मा शेर्पा चयन भएको सचिब शेर्पाले बताए । संगठनको महाधिवेशन फागुन २ गतेदेखि ४ गतेसम्म काठमाडौंमा आयोजना हुंदैछ।