अमेरिकाको बासिङ्टन डिसीमा हजारौँको प्रदर्शन, चार्कियो आन्दोलन
काठमाडौं २५ जेठ । गत मे २५ मा मिनेशोटाको मिनियापोलसमा एक अश्वेत व्यक्तिको प्रहरी नियन्त्रणमा नै मृत्यु भएपछि अमेरिकामा जारी आन्दोलन अझै रोकिएको छैन ।
जर्ज फ्लोइड नामका अश्वेत व्यक्तिलाई प्रहरीको यातनाले मृत्यु भएको आरोपपछि जारी आन्दोलन अमेरिकाको राजधानी वासिङ्गटन डिसीतर्फ केन्द्रित भएको छ ।
राजधानी वासिङ्टन डिसीमा मात्रै हजारौं मानिसले रंगभेद र प्रहरी यातनाको विरोधमा प्रदर्शन गरेका छन् । राष्ट्रपति कार्यालय ह्वाइट हाउस घेराबन्दी गर्न अगाडि बढेका प्रदर्शनकारीलाई सुरक्षाकर्मीले रोकेका छन् ।
लगातार १२ दिनदेखि जारी प्रदर्शनमा आन्दोलनकारीहरू सडकमा सुत्ने देखि तोडफोडसम्मका गतिविधिमा सक्रिय भएका छन् ।
फ्लोइडको गएको मे २५ मा स्थानीय प्रहरी अधिकारीले पक्राउ गर्ने क्रममा घुँडाले घाँटीमा लगातार झण्डै नौ मिनेट थिचेको र सो क्रममा उनले ‘मैले सास फेर्न सकिरहेको छैन’ भन्दा पनि प्रहरी अधिकारीले घाँटीबाट घुँडा नहटाएको भिडियो सार्वजनिक भएपछि अमेरिकामा प्रदर्शन चर्किरहेको छ ।
फ्लोइडले न्याय पाउनुपर्ने तथा रंगभेद अन्त्यको मागसहित अमेरिकाबाहिर पनि प्रदर्शनहरू हुन थालेका छन् । बेलायत, अष्ट्रेलिया लगायतका मुलुकमा पनि प्रदर्शनहरू भएको अन्तर्राष्ट्रिय सञ्चारमाध्यमहरूले जनाएका छन् ।एजेन्सी
Minneapolis mayor @Jacob_Frey just got his struggle session pic.twitter.com/WpreLrpWMN
— Jack Posobiec 🇺🇸 (@JackPosobiec) June 6, 2020