काठमाडौ, १२ कार्तिक ।तत्कालीन राजप्रसाद सेवाका पूर्व प्रमुखसचिव रेवतीरमण खनालको ८८ वर्षको उमेरमा मंगलबार निधन भएको छ।

एक दर्जन पुस्तकका लेखक खनाल राज परिषदको सदस्य, बिश्व हिन्दु महासंघ नेपाल राष्टिय समितिका उपाध्यक्ष , भागवत धर्म सेवा संघका अध्यक्ष , संस्कृत सेवा परिषद्को संस्थापक अध्यक्ष र खनाल बंश सेवा समाजको अध्यक्ष रहेर काम गरेका थिए।

कानुन क्षेत्रका ज्ञाता एवं साहित्यकार खनालको काठमाडौ महानगरपालिका–१३ कालीमाटीस्थित निवासमा निधन भएको हो।

मधुमेह र दमका बिरामी रहेका खनाल घरमै उपचाररत थिए। मदन पुरस्कारसमेत प्राप्त खनालले ‘मुलुकी ऐन केही विवेचना’, ‘कर सम्बन्धी कानून’, ‘नेपालको कानूनी इतिहासको रुपरेखा’, ‘रिट निवेदन सिद्धान्त र विवेचना’, ‘विश्वका प्रमुख कानून प्रणाली’, ‘नेपालको कानूनी मस्यौदा’, तथा ‘समालोचना र फैसला’ लगायत पाठ्यपुस्तक लेखेका छन्। खनालका दुई छोरा र एक छोरी छन।