काठमाडौं। ८४ औँ राष्ट्रिय दिवसको अवसरमा काठमाडौंस्थित पाकिस्तानी राजदूतावासमा झण्डा फहराइएको छ।

शनिबार दूताबासमा आयोजित कार्यक्रममा नेपालका लागि पाकिस्तानी राजदूत एच.ई. अबरार एच हाश्मीले राष्ट्रिय झण्डा फहराएका थिए । सो अवसरमा राष्ट्रपति, प्रधानमन्त्री र परराष्ट्रमन्त्रीले दिएको सन्देश पढेर सुनाइएको पाकिस्तानी दूतावासले जनाएको छ ।

आफ्नो सन्देशमा पाकिस्तानका राष्ट्रपति आसिफ अली जर्दारीले काइद-ए-आजम मोहम्मद अली जिन्नाको दूरदर्शी नेतृत्व र बलिदानको स्मरण गरेका छन्।सन्देशमा जर्दारीले
मुस्लिमहरूको लागि स्वतन्त्र राज्य प्राप्त गर्नका पुर्खाहरूले गरेको योगदानको स्मरण गर्दै काश्मिरी र प्यालेस्टिनी दाजुभाइहरुमाथि भइ रहेको अधीनता र खराब क्रूरताको अन्त्यको लागि प्रार्थना गरेका छन्।

पाकिस्तानका प्रधानमन्त्री मोहम्मद शहबाज शरीफले ‘पाकिस्तान दिवस’ को अवसरमा स्वदेश तथा विदेशमा रहेका पाकिस्तानीहरूलाई बधाई दिंदै सन्देशमा मुद्रास्फीति र आतंकवाद लगायतका बहुमुखी चुनौतिहरूलाई पार गर्दै पाकिस्तानलाई शान्ति, प्रगति र स्थायित्वको मार्गमा अघि बढाउने प्रतिबद्धता व्यक्त गरेका छन्।

विदेश मन्त्री मोहम्मद इशाक दारले प्रवासी पाकिस्तानीहरूलाई बधाई दिनुभयो र देशवासीहरूलाई आफ्नो छनौट क्षेत्र, पेशा र उद्यममा उत्कृष्टता जारी राख्न आग्रह गरे।

कार्यक्रममा आफ्नो मन्तव्य व्यक्त गर्दै राजदूत एच.ई.अबरार एच हाश्मीले १९४० मा मुस्लिमहरूको दृढ संकल्प र पाकिस्तानलाई समृद्ध बनाउन संघर्षको निरन्तरताको स्मरण गरे। उनले अतिथिहरूलाई अभिवादन गर्दै नेपाल-पाकिस्तान सम्बन्धका मुख्य पक्षहरू र यसलाई अझ सुदृढ बनाउन मिशनले गरिरहेको प्रयासहरूका बारेमा प्रकाश पारेका थिए।