काठमाडौं।नेकपा एमालेको केन्द्रीय कमिटी बैठकको बैठक आज बस्ने भएको छ।शनिवारसम्म चल्ने सो बैठकमा विधान महाधिवेशनमा पेश हुने प्रतिवेदनमाथि छलफल हुने केन्द्रीय कार्यालयका सचिव शेरबहादुर तामाङले बताए ।

तामाङका अनुसार ललितपुरको च्यासलस्थित तुलसीलाल प्रतिष्ठानमा बस्न लागेको केन्द्रीय कमिटी बैठकमा आगामी असोज १५, १६ र १७ गते हुन गइरहेको विधान महाधिवेशनका लागि राजनीतिक प्रस्ताव, सांगठनिक प्रस्ताव र विधान संशोधनसम्बन्धी प्रस्तावमाथि छलफल हुनेछ ।

यसअघि स्थायी कमिटी बैठकले प्रस्ताव पारित गरिसकेको छ । केन्द्रीय कमिटीले पारित गरेका प्रस्ताव विधान महाधिवेशनमा पेश गरिने छन् ।