धरान । सुनसरीमा सशस्त्र प्रहरीले १९० किलो गाँजा फेला पारेको छ । १२:३० बजेको समयमा सुनसरीको धरान उपमहानगरपालिका-१३ शिवधारास्थित कोशी लोकमार्गमा प्रहरीले उक्त गाँजा बरामद गरेको हो ।

बेशका बेश प्रमुख सहायक प्रहरी नायब उपरीक्षक देवेन्द् बहादुर सिंहको कमाण्डमा खटिएको ७ जनाको टोलीलाई देखेर भेडेटारबाट धरानतर्फ आउँदै गरेको बा १० च ६८५२ नम्बरको रातो सुजुकी कार चालकले गाडीलाई अकस्मात सडकमै छाडेर चालक फरार भएका थिए ।

सो क्रममा तत्कालै उक्त कारलाई चेकजाँच गर्दा उक्त कारमा प्लाष्टिकमा प्याकिङ्ग गरिएको १९० केजी प्रतिबन्धित लागू औषध गाँजा फेला परेको सशस्त्रले जनाएको छ ।