ललिता निवास क्षेत्र खाली गर्न सात दिनको समय



काठमाडौँ । काठमाडौँ महानगरपालिकाले ललिता निवास क्षेत्रमा रहेका व्यक्ति,कम्पनी तथा संघसंस्थाहरूलाई सात दिनभित्र हट्न अनुरोध गर्दै सूचना जारी गरेको छ।विशेष अदालतको फैसलासँगै उक्त जग्गा सरकारी भएको भन्दै महानगरले सूचना जारी गरेर सो क्षेत्र खाली गर्न आग्रह गरेको हो।

तोकेको समयभित्र सो क्षेत्रबाट नहटेमा प्रचलित कानुन बमोजिम हटाई सरकारी जग्गा तथा सम्पत्तिको संरक्षण, रेखदेख तथा उचित प्रबन्ध गरिने चेतावनी समेत महानगरले दिएको छ ।

स्थानीय सरकार सञ्चालन ऐन २०७४ को परिच्छेद १३ स्थानीय तहको सम्पत्तिको संरक्षण सम्बन्धी व्यवस्था अन्तर्गत दफा ९७ (१) ले काठमाडौँ महानगरपालिका क्षेत्रभित्र रहेका सरकारी, सामुदायिक तथा सार्वजनिक सम्पत्तिको रेखदेख, मर्मत सम्भार तथा अन्य प्रबन्ध गर्नुपर्ने कानुनी दायित्व महानगरपालिकालाई तोकेकाले ललिता निवास खाली गराउन महानगरले ताकेता गरेको हो ।

प्रतिक्रिया दिनुहोस्