काठमाडौं।काठमाडौं महानगरपालिकाले पहिलो चरणमा भएका सम्झौताको प्रगति प्रतिबेदन पेश गरेर दोश्रो चरणको बजेट माग गर्न सबै सरकारी (सामुदायिक)विद्यालयलाई आग्रह गरेको छ।

महानगरपालिकाले पहिलो चरणको बजेट निकासाका क्रममा कामपा शिक्षा विभाग र विद्यालयबीच भएको सम्झौता र नर्म्स बमोजिमको प्रतिवेदन पेश गर्दै दोस्रो चरणको बजेट माग गर्न प आग्रह गरेको हो।महानगरपालिकाले त्यसका लागी माघ २१ गतेसम्मको समयसीमा तोकेको छ।

महानगरको शिक्षा विभागले भनेको छ, ‘वातावरण सफा, सुन्दर र कलात्मक बनाउने उद्देश्यअनुसार विद्यालयमा सुन्दर विद्यालय परियोजनाअन्तर्गतको पहिलो चरणको बजेट निकासा भइसकेको व्यहोरा विदितै छ, बजेट निकासाका क्रममा कामपा शिक्षा विभाग र विद्यालयबीच भएको सम्झौता र उपलब्ध गराइएको नर्म्स बमोजिम निकासा भएको बजेट नियमानुसार खर्च गरी २१ गतेसम्ममा अनिवार्य रुपमा प्रगति प्रतिवेदन पेश गर्नु हुन साथै दोस्रो चरणको बजेट माग गर्नु हुनसमेत अनुरोध छ।’