काठमाडौं।दार्चुलाको शैल्यशिखर नगरपालिका–१ बारिलमा एक जना महिलाको शव जलाइएको अवस्थामा भेटिएको छ।

घरनजिकै जलेको अवस्थामा बुधवार बिहान ४५ वर्षीया अनिभा खडायतको शव भेटिएको प्रहरीले जनाएको छ ।घटनाको प्रकृति हेर्दा हत्यापछि शव जलाइएको हुनसक्ने प्रहरीले आशंका गरेको छ।

घटनाको अनुसन्धानका लागि दुईजना स्थानीयलाई नियन्त्रणमा लिइएको जिल्ला प्रहरी कार्यालय दार्चुला प्रहरी निरीक्षक लोकेन्द्र सिंह कार्कीले बताए ।

‘सोधपुछका लागि दुई जनालाई नियन्त्रणमा लिएका छौँ। अहिले घटनास्थलमा प्रहरी परिचालन गरिएको छ,’ उनले भने, ‘अनुसन्धान भइरहेको छ।’