काठमाडौं।पूर्वराजा ज्ञानेन्द्र शाहले महाधिवेशनमा हराएको भन्दै राजतन्त्र पुनर्स्थापनाकाे एजेन्डा परित्याग गरेका राप्रपा नेपालका अध्यक्ष कमल थापा पुनः राजतन्त्रकै एजेन्डामा फर्किएका छन् । थिए ।

बिहिवारबाट सुरु पार्टीको केन्द्रीय समिति बैठकमा राजनीतिक प्रतिबेदन पेश गर्दै उनी सो एजेन्डामा फर्किएका हुन। उनको प्रतिबेदनमा संवैधानिक राजतन्त्रसहितको प्रजातन्त्र राप्रपा नेपालको मूल विचार हुने उल्लेख गरिएको छ ।

उनी सो एजेन्डामा फर्किएसंगै नेता लोकेन्द्रबहादुर चन्दको नेतृत्वमा संयुक्त मोर्चा बनाउने र मोर्चाले राजसंस्था स्थापनाका लागि आन्दोलन गर्ने तयारी भइ रहेको छ । उक्त मोर्चा अगाडि बढाउन राप्रपाबाट धवलशमशेर राणाले जिम्मा पाएका छन् ।

यो मोर्चामा कमल थापा र दुर्गा प्रसाईं पनि जोडिँदैछन् । त्यसको लागि संवादमा राणा रहेका छन् । संयुक्त आन्दोलन गर्ने सहमति जुटेसँगै कमल थापा राजतन्त्रको एजेन्डामा फर्किएको राप्रपाका एक नेताको भनाइ छ । ती नेताको भनाइमा पार्टी एकता गर्नेगरी यो मोर्चा बन्न लागेको हो ।