काठमाडौं।नेपाल संस्कृत विश्वविद्यालयले ३१ जेठमा दीक्षान्त समारोह गर्ने भएको छ।

विश्वविद्यालयले शुक्रबार पत्रकार सम्मेलन गर्दै दीक्षान्त समारोह गर्ने कार्यक्रम तय भएको जानकारी दियो । हरेक वर्ष विश्वविद्यालयबाट उत्तीर्ण हुने विद्यार्थीलाई प्रमाणपत्रसहित दीक्षित गराउनुपर्ने भए पनि २०६८ सालदेखि दीक्षान्त समारोह हुनसकेको थिएन ।

विश्वविद्यालयले कुलपति रहने प्रधानमन्त्रीको समय नमिल्दा र खर्च पनि धेरै हुने भएकाले दीक्षान्त समारोह हुन नसकेको बताउँदै आएको थियो । तर, यसपटक भने प्रधानमन्त्रीको समय मिलेको भन्दै दीक्षान्त समारोह गर्न लागिएको विश्वविद्यालयले जनाएको छ ।