खगिन्द्रराज बास्तोला,सोलुखुम्बु।पूर्बप्रधानमन्त्री तथा नेपाल कम्युनिस्ट पार्टी माओवादी केन्द्र अध्यक्ष पुष्पकमल दाहाल प्रचण्ड सोलुखुम्बु आउने भएका छन्।

जिल्लाको थुलुङ दुधकोशी गाउँपालिकामा निर्मित विभिन्न कार्यालयको उद्घाटन गर्न दाहाल असोज ३ गते सोलुखुम्बु आउन लागेको गाउँपालिका अध्यक्ष अशिम राईले जानकारी दिए।अध्यक्ष राईका अनुसार गाउँपालिकाको प्रशासनिक भवन, ५० शैय्याको दुधकोसी सामुदायिक अस्पताल र थुलुङ दुधकोशी वहुप्राविधिक शिक्षालयको मास्टर विल्डिङ एकैसाथ असोज ३ गते उद्घाटन गर्ने कार्यक्रम तय गरिएको छ।

उद्घाटन कार्यक्रममा अर्थमन्त्री जनार्दन शर्मा ‘प्रभाकर’ १ नं प्रदेशका आर्थिक मामिला तथा योजनामन्त्री इन्द्र आङ्बो ‘मौसम’ र सोलुखुम्बु जिल्लाका प्रतिनिधिसभा सदस्य हेम कुमार राई ‘सुरवीर’को पनि उपस्थिति रहने उनले बताए।