सोलुखुम्बु। थुलुङ दुधकोशी गाउँपालिका अध्यक्ष अशिम राईले डिजिटल पालिका बनाएर आम नागरिकलाई छिटो छरितो सर्वसुलभ सेवा प्रवाह गर्ने आफ्नो सपना बिपनाको नजिक पुगेको बताएका छन् ।

थुलुङ दुधकोशी गाउँपालिकाको विद्युतीय माध्यमबाट ( विद्युतीय भुक्तानीसमेत) सेवाप्रबाह शुभारम्भ कार्यक्रमलाई सम्बोधन गर्दै आईतवार अध्यक्ष राईले सो कुरा बताएका हुन। गाउँपालिकाले हाल सम्म विद्युतिय माध्यमबाट १ लाख २३ हजार १ सय ४३ रुपैयाँ राजस्व सङ्कलन भएको जानकारी दिंदै अध्यक्ष राईले थुलुङ दुधकोशी विद्युतीय माध्यमबाट सेवा प्रवाह गर्ने देशैभरिका गाउँपालिकामध्ये पहिलो गाउँपालिका बनेको दावी समेत गरे।