जुनियर प्रिमियर टेनिस फागुन २ देखि



काठमाडौं, ३० माघ । शुक्रबार आयोजित पत्रकार सम्मेलनमा प्रतियोगिता ललितपुरको धापाखेलस्थित टेनिस टिम नेपालकै टेनिस कोर्टमा सञ्चालन हुने जानकारी दिइयो । फागुन ७ सम्म सञ्चालन हुने प्रतियोगितामा यू-८,यू-९,यू-१०, यू-१२, यू-१४ र यू-१६ उमेर समूहमा प्रतिस्पर्धा हुनेछ । यू-९ को उमेर समूहमा ब्वाइज, गर्ल्स, सिंगल्स र डबल्समा प्रतिस्पर्धा हुनेछ । बाँकी उमेर समूहमा ब्वाइज र गर्ल्सको सिंगल्समा प्रतिस्पर्धा हुनेछ ।

त्यस्तै यू-८ देखि यू-१६ मा सहभागीहरुको खुल्ला डबल्स प्रतिस्पर्धा समेत हुनेछ । प्रतियोगितामा १ सय २९ जना खेलाडीले सहभागिता जनाउने र नाम दर्ता भइसकेको आयोजकले जनाएको छ । प्रतियोगिता सञ्चालनको लागि १ लाख ५० हजार खर्च लाग्ने आयोजकले जनाएको छ ।

प्रतिक्रिया दिनुहोस्