काठमाडौं।राष्ट्रिय स्वतन्त्र पार्टी (रास्वपा)का महामन्त्री डा.मुकुल ढकालले अहिलेकै जनमतका आधारमा आगामी निर्वाचनमा गए आए राष्ट्रिय पार्टी बन्न हम्मे हुने निष्कर्ष निकालेका छन्।

देश दौडाहाका क्रममा ३९ जिल्लाका नेता–कार्यकर्तासँग भेटघाट र समीक्षात्मक अन्तरक्रियापछि आफ्नो पार्टीको जनमत कमजोर रहेको भन्दै सो निष्कर्ष निकालेका हुन्।पुराना दलहरु त्यागेर स्वतन्त्रहरुसंग
सम्बन्ध बनाउन नसके पार्टी विवेकशीलजस्तो क्षीण अवस्थामा पुग्ने सम्भावना रहेकाे उनको भनाई छ।महामन्त्री ढकालले जेठ ६ गतेदेखि असार ५ गतेसम्म ३९ जिल्लाका नेता–कार्यकर्तासँग अन्तरक्रिया गरेका थिए।

अन्तरक्रियापछि उनले तयार गरेको प्रतिवेदनमा वर्तमान प्रधानमन्त्री पुष्पकमल दाहाल ‘प्रचण्ड’ र नेकपा (एमाले) अध्यक्ष केपी शर्मा ओलीसँग सत्तामा सम्झौता गर्नुभन्दा काठमाडौं महानगरपालिकाका मेयर बालेन शाह, धनगढी उपमहानगरका मेयर गोपी हमालसँग सहकार्य अघि बढाउनुपर्ने उल्लेख छ । 

२०८४ को निर्वाचनभन्दा पहिला नै उनीहरूसँग मिल्नुपर्ने उनकाे निष्कर्ष छ । त्यसका लगि स्थानीय तहलाई गैरदलीय बनाउन पार्टी सहमत हुनुपर्ने उनकाे सुझाब छ । 

ढकालले पार्टी विवेकशील बन्ने बाटोमा रहेकाे भन्दै यसाे भन्दा आफूलाई महामन्त्रीबाट घोक्र्याइनसक्ने बताएका छन् । सभापति लामिछानेलाई बुझाउन तयार पारिएको प्रतिवेदनमा पार्टी दुर्घटनाउन्मुख रहेको निष्कर्ष निकालिएको छ।