काठमाडौं।नक्कली भुटानी शरणार्थी प्रकरणमा मुछिएका अर्का एक आरोपी आज पक्राउ परेका छन् ।पक्राउ पर्नेमा नेपाल हज समितिका अध्यक्ष शमशेर मियाँ छन्। प्रहरीले उनलाई आज बिहीवार सिंहदरबारबाट पक्राउ गरेको जनाएको छ ।

नक्कली भुटानी शरणार्थीको कोटामा अमेरिका पठाउने नाममा ठग्ने गिरोहसँग अध्यक्ष मियाँको संलग्नता देखिएकाले उनलाई पक्राउ गरिएको जिल्ला प्रहरी परिसर काठमाडाैंका प्रमुख एवम् प्रहरी वरिष्ठ उपरीक्षक (एसएसपी) दानबहादुर कार्कीले जानकारी दिए ।

कार्कीका अनुसार शरणार्थीको नाममा ठग्ने गिरोहलाई हज समितिको प्रयोगका लागि उपलब्ध गराएको गृह मन्त्रालयको गाडी अध्यक्ष मियाँले उपलब्ध गराएका थिए ।

गृह मन्त्रालयको स्वामित्वमा रहेको बीएबी–१४०५ नम्बरको जीप प्रहरीले बरामद गरेको छ । मियाँसहित यो प्रकरणमा पक्राउ पर्नेको संख्या १५ पुगेको छ।यसअघि पूर्बौपप्रधानमन्त्री टोपबहादुर रायमाझी,पूर्बगृहमन्त्री बालकृष्ण खाँण लगायत १४ जना पक्राउ परेका थिए।