काठमाडौं।वायुसेवा सञ्चालक संघ, नेपालले बुधबारबाट लागू हुनेगरी संघसँग आवद्ध हेलिकोप्टर तथा हवाई सेवा कम्पनीले प्रदान गर्दै आएका आपतकालीन उडान सेवा बन्द गर्ने भएको छ । मंगलबार काठमाडौंमा आयाेजित पत्रकार सम्मेलनमा यसबारेमा जानकारी गराइएको हो ।

वायु सेवा सञ्चालक संघ, नेपालले विमानस्थल सेवा शुल्क नियमावली २०७८ मा यात्रु सेवा शुल्क ल्यान्डिङ, पार्किङ, नेभिगेसन लगायतका सम्पूर्ण शुल्कवृद्धि फिर्ताको माग गरेको छ । नेपाल नागरिक उड्डयन प्राधिकरणको श्रृजित समस्या र संस्कृति, पर्यटन तथा नागरिक उड्डयन प्राधिकरण पनि संघका गुनासाप्रति उदासिन भएको भन्दै आपत्कालीन उडान सेवा बन्द गर्ने जनाएको हो।