काठमाडौं।नेपाली कांग्रेसका बरिस्ठ नेता रामचन्द्र पौडेलले संस्थापनइतर समूहबाट सभापतिमा साझा उम्मेदवार तय हुन नसके आफुले सन्यास लिने चेतावनी दिएका छन् ।

बुधबार बिहानदेखि नै सभापतिको साझा उम्मेदवार तय गर्न भएको प्रयास असफल भएपछि सो समूहका नेतालाई पौडेलले सो चेतावनी दिएका हुन्।सभापतिका प्रमुख आकांक्षी पौडेल र महामन्त्री शशांक कोइराला पछि हटे पनि शेखर कोइराला र प्रकाशमान सिंहबीच सहमति सहमति हुन नसके पछि इतर पक्षको बैठक सांझ बिना निष्कर्ष टुंगिएको थियो ।

आज सहमति हुन नसकेपछि भोलिपनि नेताहरु बसेर सहमतिको प्रयास गर्ने नेता गुरुराज घिमिरेले जानकारी दिए । उनका अनुसार भोलि पौडेल पक्षका केन्द्रीय सदस्यहरुको बैठक समेत बस्नेछ भने त्यहाँ वृहत छलफल गरेर सभापतिका दावेदार नेताहरुसँग पनि बैठक बस्ने तयारी छ ।

छलफलमा संस्थापन इतरपक्षका सभापतिका उम्मेदवारका आकांक्षी रामचन्द्र पौडेल, प्रकाशमान सिंह, डा।शेखर कोइराला र डा।शशांक कोइरालासहित पौडेल पक्षीय केन्द्रीय सदस्यहरु पनि सहभागी थिए ।

उता संस्थापन समूहको आज बिहान बसेको बैठकले सभापतिमा बर्तमान सभापतिलाई नै उठाउने निर्णय गरेको छ।