भक्तपुर। यहीँ आउँदो १० गतेदेखि १२ गतेसम्म चितवनमा हुने नेकपा एमालेको १० औं महाधिवेशनमा एमालेका केन्द्रीय सदस्य एवं युवा नेता महेश बस्नेतले सचिव पदमा उम्मेदवारी दिने बताउनु भएको छ ।

आज मध्यपुरथिमिको सम्पर्क कार्यालयमा पार्टीका नेता, कार्यकर्ता र सञ्चारकर्मी समक्ष आफ्नो धारणासहित देशभरीका कार्यकर्ताको मनोभावनाको उच्च सम्मान गर्दै सचिव पदमा उम्मेदवारी दिने बताउनु भएको हो ।

पार्टीको र देशको लागि आफूले निर्वाह गरेको भूमिका र पार्टीमा युवा पुस्ताको भूमिका बढाउन, अध्यक्ष केपी शर्मा ओली र एमालेको रक्षा कवचको रुपमा युवाहरुलाई परिचालन गर्नका लागि पनि सचिव पदमा आफूले उम्मदवारी दिने निर्णय गरेको उहाँको भनाइ छ ।