सोलुखुम्बु। नेपाली कांग्रेस सोलुखुम्बुको सोमबार हुने अधिवेशनमा परिणाम आफ्नो पक्षमा पार्नका लागि नेपाली कांग्रेस सोलुखुम्बुका नेताहरू यतिबेला अन्तिम कसरतमा जुटेका छन्।

पूर्बमन्त्री एबम् नेपाली कांग्रेसका केन्द्रीय सदस्य बलबहादुर केसी र पूर्ब जिल्ला सभापति आङगेलु शेर्पा समूह प्यानलै बनाएर प्रतिस्पर्धामा उत्रिएको छ।दुई प्रदेश क्षेत्र रहेको सोलुखुम्बुको क मा केसी पक्षबाट धन्जन राई र शेर्पा समूहबाट रोशनबाबु थुलुङ सभापतिका लागि चुनावी मैदानमा छन् ।

प्रदेश क का लागि पदाधिकारीदेखि प्रतिनिधिसम्मका दुबै पक्षको नामावली सार्बजनिक भएपनि प्रदेश ख मा पदाधिकारी बाहेक अन्यको उम्मेदवारी टुंगो लगाउन दुबै पक्ष तीब्र छलफलमा छन् । प्रदेश ख मा केसी पक्षको नेतृत्व प्रेम थापामगर र शेर्पा पक्षको नेतृत्व कर्मा शेर्पाले गर्दैछन् ।

प्रदेश क मा केसी पक्षका सभापतिका उम्मेदवार राईको प्यानलबाट उपसभापतिमा फुर्तिमान तामाङ र टार्जन कुलुङ सचिबमा बिजय गुरुङ र हेमराज भट्टराई तथा सहसचिवमा भिमचन्द्र राई र तेजबहादुर बस्नेत उम्मेदवार छन् ।

सो समूहबाट प्रदेश प्रतिनिधिका लागि खुला तर्फ बाबुराजा केसी, शंकरबाबू कार्की,अश्विनबाबु थापा,शौरभ बरुवाल,जय राई,उत्तम नाछिरिङ,कैलाश केसी,खुला महिला मा कुमारीदेवी शर्मा,हरिदेवी भुजेल र अन्जु खालिङ,खस आर्यबाट पोषकुमार बास्तोला र शर्मिला खड्का आदिवासी जनजाति पुरुषमा केदार गुरुङ र सन्चराम कुलुङ आदिवासी जनजाति महिला नीरकला राई र छलिमाया राई अल्पसंख्यकबाट प्रदीप भुजेल खवास र दलबहादुर नेपालीले प्रतिस्पर्धा गर्दैछन् ।

उता शेर्पा समूहको सभापति उम्मेदवार थुलुङको प्यानलबाट उपसभापतिमा भानुभक्त उपाध्याय र भक्तिराम राई कुलुङ सचिबमा बाबुराम आचार्य र टेक नाछिरिङ सहसचिवमा अगमसिंह राई र सुर्यबहादुर कार्की उम्मेदवार बनेका छन् ।

सो समूहबाट प्रदेश प्रतिनिधिमा खुलातर्फ कैलाश थापा,ग्याल्जेन शेर्पा,प्रेमबहादुर बस्नेत,तेजुप्रसाद राई,द्रोण बास्तोला,मदनसर राई र कृष्णमान तामाङ खस आर्य धर्मध्वज बस्नेत र अन्जु कार्की खुल्ला महिलातर्फ यमुना बस्नेत,मेनुका राई र जुनामाया नेपाली आदिवासी जनजाति पुरुषमा फुर्तेम्बा शेर्पा र सुखधन किराँत महिलातर्फ अनु राई र पदमकुमारी राई अल्पसंख्यक अपांगबाट रोशन राउत र दलिततर्फबाट निरकुमार नेपाली मैदानमा रहेको बताईएको छ। दुवै प्रदेश समितिहरुमा सोमबार विहान ८ बजेबाट निर्वाचन प्रकृया शुरु हुने निर्बाचन अधिकृत कैलाश गुरुङले जानकारी दिए।

प्रदेश सभा ‘क’ को थुलुुङ दुधकोशी पालिकाको केन्द्र मुक्लिमा र प्रदेश सभा ‘ख’ को सोलुदुधकुण्ड नगरपालिकाको केन्द्र सल्लेरीमा हुने नेपाली कांग्रेसले जनाएको छ।