काठमाडौं,५ साउन । चोभारमा आगलागी भएको निजी कारका चालक सीट बेल्ट बाँधेको अवस्थामा मृत फेला परेका छन् ।

जिल्ला प्रहरी प्रवक्ता एसपी पवनकुमार भट्टराईका अनुसार मृतकको अन्य पहिचान हालसम्म खुलेको छैन । उक्त कारमा अन्य कोही पनि सवार थिएनन् । मृतकको शव पोष्टमार्टमका लागि त्रिवि शिक्षण अस्पताल, महाराजगञ्ज लगिँदै छ ।

उता, बौद्धमा खाजाघर सञ्चालन गर्ने एक महिलाले सोमबार आत्मदाह प्रयास गर्दा ५० प्रतिशत जलन भएको छ ।

काभ्रे, तिमाल स्थायी घर भई बौद्ध बस्ने २७ वर्षीया सालु गुरुङले बौद्ध गेटअगाडि बेलुकी पौने ४ बजे आत्मदाह प्रयास गरेकी हुन् । जिल्ला प्रहरी काठमाडौंका प्रवक्ता एसपी पवनकुमार भट्टराईका अनुसार हाल उनको कीर्तिपुरस्थित बर्निङ अस्पतालमा उपचार भइरहेको छ ।

घटना भएलगत्तै गोकर्णेश्वर–६ स्थित सुष्मा कोइराला मेमोरियल अस्पताल लगिएको थियो । स्थित गम्भीर भएपछि कीर्तिपुर लगिएको हो । विवाहित गुरुङ बौद्धमै खाजा घर चलाउने गर्दछिन् । आत्मदाह प्रयासको कारण खुलेको छैन ।