काठमाडौं,१ माघ ।किरात राई यायोक्खाले श्रम संस्कृति पार्टीका अध्यक्ष हर्क साम्पाङ ‘यलम्बर स्मृति पुरस्कार’बाट सम्मानित गरेको छ ।

धरान उपमहानगरपालिकाका मेयरसमेत रहेका साम्पाङलाई बिहीबार यलम्बर संवत् ५०८६ को अवसरमा काठमाडौंमा आयोजित एक कार्यक्रममा उनलाई सम्मान गर्दै पुरस्कार हस्तान्तरण गरिएको हो।
यायोक्खाका अध्यक्ष जीवन हाताचो राईले २ लाख २५ हजार ५५५ रुपैयाँ राशीको उक्त पुरस्कार प्रदान गरेका थिए।

यसअघि उक्त सम्मान सिक्किमका मुख्यमन्त्री पवन चाम्लिङलाई प्रदान गरिएको थियो।