काठमाडौं।काठमाडौंको बुढानीलकण्ठ नगरपालिका वडा नम्बर ८ मा‘पाकिस्तान–नेपाल फ्रेन्डसिप पार्क’को उद्घाटन गरिएको छ।

कार्यक्रमका प्रमुख अतिथि नेपालका लागि पाकिस्तानका राजदूत अबरार एच हाश्मीले पाकिस्तान सरकारको सहयोगमा निर्मित पार्क उद्घाटनसंगै हस्तान्तरण गरेका थिए।पाकिस्तानी दूतावासद्वारा आयोजित कार्यक्रममा बूढानीलकण्ठ नगरपालिकाका उपमेयर श्रीमती अनिता लामा,प्रमुख प्रशासकीय अधिकृत तुलसीराम अर्याल,वडा नम्बर ८ का वडाध्यक्ष सुमन तामाङ लगायतको उपस्थिति रहेको थियो ।

कार्यक्रमलाई सम्बोधन गर्दै राजदूत हाश्मीले काठमाडौंमा पाकिस्तान–नेपाल फ्रेन्डसिप पार्क सञ्चालनका लागि बुढानिलकण्ठ नगरपालिका,लायन्स क्लब अफ काठमाडौं र एचआरएस एडभेन्चर लिमिटेडसँगको साझेदारीको प्रशंसा गरे । उनले यस पहलमा सहयोग गर्ने सामुदायिक कार्यकर्ता,सामाजिक कार्यकर्ता र सबैलाई हार्दिक प्रशंसा पनि गरे।

उनले यस पार्कले दुई राष्ट्रबीचको चिरस्थायी मित्रताको प्रतीकका रूपमा रहेको र पाकिस्तान र नेपालका जनताबीच रहेको बलियो सम्बन्धलाई झल्काउने बताए । राजदूतले हाम्रो द्विपक्षीय सम्बन्ध विश्वास, पारस्परिक सम्मान र सांस्कृतिक आदानप्रदान र शिक्षा, स्वास्थ्य, वातावरण र औषधिलगायतका विभिन्न क्षेत्रमा सहयोगी प्रयासमा जोडिएको आधारमा निर्माण भएको बताए।

कार्यक्रमलाई सम्बोधन गर्दै विशेष अतिथिले नेपालका जनतालाई ‘ओपन एयर जिम’ सुविधा प्रदान गरेकोमा पाकिस्तान सरकारप्रति कृतज्ञता व्यक्त गरे । उनीहरुले पार्कले दुई देशबीचको मित्रता र सहयोगको दीर्घकालीन संकेतका रुपमा काम गर्ने आशा पनि व्यक्त गरेका छन् । पाकिस्तान-नेपाल मैत्री पार्क पाकिस्तान र नेपालका जनताको साझा आकांक्षा र मित्रतामा समर्पित छ। पार्कले सबै उमेर र जीवनका सबै क्षेत्रका मानिसहरूका लागि साझा स्वास्थ्य सुविधाको रूपमा सेवा गर्नेछ।

उक्त सुविधाका लागि नागरिक समाज र स्थानीयवासीले दूतावास र स्थानीय नगरपालिकालाई धन्यवाद दिएका थिए । उनीहरुका बालबालिका युवा तथा वृद्धवृद्धाहरुले उनीहरुको स्वास्थ्यको हितमा प्रयोग गर्ने ‘ओपन एयर जिम’ स्थापना गरेकोमा उनीहरुले खुशी व्यक्त गरेका थिए ।