नेपाल एसियाकै गरिब देश हुनुमा राजनीतिक दल र नेता प्रमुख कारक :डा. कोइराला
विराटनगर।नेपाली कांग्रेसका केन्द्रीय सदस्य डा शेखर कोइरालाले
नेपाल एसियाकै गरिब देश हुनुमा राजनीतिक दल र नेता प्रमुख कारक भएका बताएका छन्।
विराटनगरमा आज आयोजित शुभकामना आदानप्रदान कार्यक्रममा मुलुकमा सुशानसका निम्ति भ्रष्टाचार र दण्डहीनताको समूल अन्त्य हुनुपर्ने उनको भनाई थियो।
कोशी प्रदेश सरकारका कारण केन्द्रीय गठबन्धनमा कुनै असर नपर्ने बताए। उनले अहिलेको गठबन्धनको सरकार पूर्ण कार्यकालसम्म चल्ने भन्दै नेपाली कांग्रेस एक ढिक्का हुनुपर्नेमा जोड दिए।
केन्द्रीय सदस्य डा कोइरालाले विकासमा कोशी प्रदेश पछाडि पर्नाका कारण पनि राजनीतिक अस्थिरता हो भन्दै राजनीतिक दलले समाजलाई जोड्न महत्वपूर्ण भूमिका निर्वाह गर्नुपर्ने धारणा राखे।
उनले भने, “अन्य राजनीतिक पार्टीबाट समायोजन भएर आउने राजनीतिक दलका नेता र कार्यकर्तालाई नेपाली कांग्रेसले संरक्षणसहित अवसर पनि दिन्छ।”file foto