खगिन्द्रराज बास्तोला,सोलुखुम्बु।नेपाली कांग्रेस नेचासल्यान गाउँपालिका समितिले शुभकामना आदानप्रदान तथा चियापान कार्यक्रम सम्पन्न गरेको छ ।

बडादसैँ, शुभदिपावली,छठ,नेपाल संवत् तथा उधौली पर्बलाई लक्षित गर्दै बिहिवार आयोजना गरिएको सो कार्यक्रम नेचासल्यान गाउँपालिका अध्यक्ष तथा नेपाली कांग्रेस प्रदेश क्षेत्र (क) का सभापति धञ्जन राईको प्रमुख आतिथ्यमा सम्पन्न भएको हो।

नेपाली कांग्रेस नेचासल्यान गाउँपालिका सभापति नीरकुमार शर्माको सभापतित्वमा सम्पन्न सो कार्यक्रममा गाउँपालिकाका जनप्रतिनिधि,विभिन्न राजनीतिक दल,सरकारी तथा गैरसरकारी संघसंस्थाका प्रतिनिधि,शिक्षक तथा नेपाली कांग्रेसका शुभेच्छुकहरुको सहभागीता रहेको थियो।

कार्यक्रमलाई सम्बोधन गर्दै प्रमुख अतिथि राईले गाउँपालिकाको बिकासका लागि सबै पक्षबीच सहकार्य जरुरी रहेको बताएको सो कार्यक्रममा नेपाल विद्यार्थी संघका केन्द्रीय सदस्य बाबुराम आचार्य,नेपाली कांग्रेसका जिल्ला कार्यसमिति सदस्य चन्द्र आचार्य,नेचासल्यान वडा नं २ का पूर्ब वडाध्यक्ष भेषकुमार बास्तोला लगायतले आ-आफ्नो धारणा व्यक्त गरेका थिए।