खगिन्द्रराज बास्तोला,सोलुखुम्बु।रीड नेपालको आयोजना तथा माप्यदुधकोशी गाउँपालिकाको समन्वय तथा सहकार्यमा हिमालय मावि बासामा पांच दिने शिक्षक क्षमता अभिवृद्धि तालिम सुरु भएको छ ।

शुक्रबारबाट सुरु सो तालिममा अंग्रेजी,गणित,विज्ञान,सामाजिक र आइसिटी विषयलाई समेटेर प्रशिक्षण गरिने रीड नेपालले जनाएको छ ।सामुदायिक विद्यालयमा प्राय यी विषयको सिकाइ उपलब्धी कम हुने र धेरै विद्यार्थीहरु यी विषयमा कमजोर हुने भएकोले बालबालिकाको सिकाइ उपलब्धी वृद्धि गर्ने उद्देश्यले तालिमको आयोजना गरेको रीड नेपालका शिक्षा विकास संयोजक केशव गिरीले बताउनु भयो ।

तालिममा माप्यदुधकोशी गाउपालिकाभित्र रीड नेपालले काम गर्ने २० विद्यालयका ५४ जना र पालिकाको तर्फबाट थप १५ जना र ४ जना स्थानीय स्रोत शिक्षक गरेर ७३ जना जना शिक्षक हरुको सहभागिता रहेको छ ।

तालिमको सहजीकरण रीड नेपालका प्रशिक्षकहरु मुक्ति घिमिरे , सुजाता राई , विष्णु प्रसाद उपाध्याय, राजीव ढुंगाना र शरद गौतम र ऋषिकेश आचार्यले गरिरहनु भएको छ । यस अगाडी यही प्रकृतिको तालिम सोलु दुधकुण्ड नगरपालिकामा संचालन भएको थियो।