खगिन्द्रराज बास्तोला,काठमाडौं।फ्यूचर स्टार क्लबको आयोजनामा भएको जिल्लाब्यापी खुल्ला पुरुष फुटबल प्रतियोगितामा मदन भण्डारी स्पोर्ट्स एकेडेमी सल्लेरी उपाधी हात पार्न सफल भएको छ।

शनिबार सम्पन्न फाइनल खेलमा थुलुङ दुधकोशी गाउँपालिकालाई
३-१ गोलको अन्तरले पछि पार्दै मदन भण्डारी एकेडेमी सल्लेरीले सो उपाधी हात पारेको हो।तीन दिनसम्म चलेको उक्त प्रतियोगितामा सहभागी १२ टीम सहभागी थिए।

फाईनल खेलको पहिलो हाफमा थुलुङ्दुधकोशिले १ गोलले अग्रता कायम गरेकोमा दोश्रो हाफमा प्रति उत्तर सहित ३ गोल गर्दै विजयीको ट्रफी उचालेको हो ।

कार्यक्रम क्लबका अध्यक्ष भलकाजी मगरको अध्यक्षता र खुम्बु पासाङ्ल्हामु गाउँपालिका-१ का वडा अध्यक्ष फुनुरु शेर्पाको प्रमुख आतिथ्यमा सम्पन्न भएको भएको थियो । बिजेता टिमले नगद रु. ४० हजारका साथमा ट्रफी , मेडल र प्रमाणपत्र प्राप्त गरेको छ।

खेलमा उच्च अङ्क ( High Socre) प्राप्त गर्ने थुलुङ दुधकोशिको थिरराज राई, उत्कृष्ट खेलाडी ( Best Player) को उपाधी सम्पुर्ण श्रेष्ठ र उत्कृष्ट गोल रक्षकमा ( Best keeper ) फ्युचर स्टार युथ क्लबका रबिन आले घोषित भएका थिए । घोषित खेलाडीहरुले ट्रफी र प्रमाणपत्र हात पारेका छन्।