बिशेष परिष्थितिमा बाहेक माओवादी केन्द्रले पहिलेका प्रतिनिधिलाई उम्मेदवार नदोहोर्याउने
काठमाडौं।नेकपा माओवादी केन्द्रले स्थानीय तहको निर्वाचनमा ‘विशेष परिस्थितिमा बाहेक सामान्यतया पहिलेका प्रतिनिधिलाई सकभर नदोहोर्याउने निर्णय गरेको छ ।
उम्मेदवार छनौटका लागि ६ वटा मापदण्ड तय गर्दै सो पार्टीले त्यस्तो निर्णय गरेको हो।माओवादी केन्द्रका अध्यक्ष पुष्पकमल दाहाल प्रचण्डले शुक्रबार सर्कुलर जारी गर्दै अगामी वैशाख ३० गते हुन लागेको स्थानीय तहको निर्वाचमा उम्मेदवारका लागि ६ वटा मापदण्ड बनाएको जानकारी दिएका हुन् ।
देश जनता पार्टी र क्रान्तिप्रति निष्ठावान रहेको हुनुपर्ने,स्वच्छ छवि भएको हुनुपर्ने,विजयको सम्भावना भएको लोाकप्रिय व्यक्ति छनौटमा ध्यान दिने,पार्टी अनुशसानप्रति निष्ठावान हुनुपर्ने,समानुपातिक समावेशी प्रतिनिधित्वका आधारलाई विशेष ध्यान दिनुपर्ने मापदण्ड माओवादी केन्द्रले तय गरेको हो।