सोलुखुम्बु ।नेकपा एमालेको भातृ संगठन अनेरास्ववियुको ११ औं जिल्ला सम्मेलन आजबाट सुरु हुने भएको छ। जिल्ला सदरमुकाम सल्लेरीमा सुरु हुने सम्मेलनको सम्पूर्ण तयारी भएको प्रचार प्रमुख
मिलन नाछिरिङले जानकारी दिए।

२ दिनसम्म चल्ने सम्मेलनले नयाँ नेतृत्व चयन गर्ने छ।सम्मेलनमा लागि झण्डै दुई सय प्रतिनिधि सहभागी हुने उनले बताए ।सम्मेलनका लागि प्रत्येक माबिबाट ३, उच्च माबिसम्म भएको कमिटीबाट ४ र क्याम्पस कमिटीबाट ५ जना प्रतिनिधि छनौट भएका छन् ।अधिकांस प्रतिनिधिहरु हिंजै आईसकेको र बांकी बिहान सम्म आईपुग्ने नाछिरिङले बताए ।

सम्मेलनको उद्घाटनसत्रमा नेकपा एमालेका केन्द्रीय सदस्य मानबीर राई,एमाले जिल्ला कमिटी अध्यक्ष डुफकुमार बास्तोला, अनेरास्ववियुका महासचिव समिक बडाल लगायत अन्य नेता सहभागी हुने उनको भनाई छ।