चिनियाँ कम्युनिस्ट पार्टीले दिएका स्वास्थ्य सामग्री एमालेले गर्‍यो हस्तान्तरण



सत्तारुढ नेकपा एमालेले चिनियाँ कम्युनिस्ट पार्टीबाट कोभिड–१९ को नियन्त्रण र रोकथामका लागि प्राप्त स्वास्थ्य सामग्री मंगलवार नेपाल सरकारलाई हस्तान्तरण गरेको छ ।

एमालेका महासचिव ईश्वर पोखरेलले पार्टीको केन्द्रीय कार्यालय थापाथलीमा आयोजित कार्यक्रममा स्वास्थ्य तथा जनसंख्या मन्त्री शेरबहादुर तामाङलाई ती सामग्री हस्तान्तरण गरेका हुन् ।

एमालेका प्रवक्ता प्रदीपकुमार ज्ञवालीले जारी गरेको विज्ञप्तिमा हाइड्रोजन अक्सिजन जेनेरेटर विथ नेबुलाइजर (कन्सन्ट्रेटर) ३० थान र एन–नाइन्टी फाइभ मास्क १ लाख थान सामग्री हस्तान्तारण गरिएको जनाइएको छ ।

सो कार्यले कोभिड–१९ का विरुद्धको लडाइँमा थोरै भए पनि मद्दत पुग्ने विश्वास सो पार्टीले लिएको छ ।

प्रतिक्रिया दिनुहोस्