बुटवल, २७ जेठ । रुपन्देहीको तिलोत्तमा–१० कान्छीबजारमा रहेको एक भैसी फार्ममा सुतेका ५ जनाको विभत्स हत्या भएको छ । फार्ममा काम गर्ने ३ जना र उनीहका २ जना साथीको सोही फार्ममा काम गर्ने सुर्खेतका झपेन्द्र सिंजालीले हत्या गरेको प्रहरीले जनाएको छ ।

कामदार र उनीहरुका साथीहरुको हत्या गरेर तन्नामा शव बेरेको अवस्थामा स्थानीयले देखेपछि प्रहरीलाई खबर गरेका थिए । मृतकको पहिचान हुन सकेको छैन् भने हत्या कसले र किन गर्यो भन्ने विषयमा पनि केहि खुल्न नसकेको जिल्ला प्रहरी कार्यालय रुपन्देहीले जनाएको छ ।

भर्खरै घटनास्थलमा पुगेको प्रहरी टोलीले घटनास्थललाई शील गरेको छ भने हत्या आरोपी सुर्खेतका झपेन्द्र सिंजालीलाई नियन्त्रणमा लिएको छ ।  उक्त भैसी फार्म स्थानीय कृष्ण पुनले सञ्चालन गर्दै आएका थिए ।