काठमाडौं २६ जेठ । शिव सेना नेपालका कार्यकर्ताले आइतबार साँझ दाङको तुलसीपुरमा मसाल जुलुस प्रदर्शन गरेका छन् ।

राजसंस्था पुनर्स्थापनाको माग राख्दै उनीहरुले मसाल जुलुस प्रदर्शन गरेका हुन् । उनीहरुले राजसंस्था पुनर्स्थापनासहित गणतन्त्र विरोधी नारा लगाएका थिए ।

शिव सेना नेपाल दाङका अध्यक्ष देवीराम भण्डारी र उपाध्यक्ष अशितव लामिछानेको नेतृत्वमा मसाल जुलुस निकालिएको हो।

जुलुसका स्यानीय युवाहरुको सहभागिता रहेको थियो । उनीहरुले राष्ट्रियता सम्बन्धी नारा लगाउँदै सीमा सुरक्षाको माग समेत गरेका थिए ।

पछिल्लो केही दिन यता शिव सेना नेपालका कार्यकर्ताहरुले देशभर शृंखलाबद्धरुपमा मसाल जुलुस प्रदर्शन गर्दै आएका छन् ।