काठमाडौं, २३ जेठ। समाजसेवामा निरन्तर सक्रिय रहंदै आएको पुर्ब यूबराज्ञि हिमानी राज्यलक्ष्मीदेबी शाहको अध्यक्षतामा रहेको हिमानी ट्रष्टले हिमानी कोषले श्री इन्द्र राज्य लक्ष्मी देवी परोपकार अस्पताल (प्रसुती गृह) थापाथलीलाई स्वास्थ्य सामाग्री हस्तान्तरण गरेको छ।

शुक्रवार आयोजित कार्यक्रममा ट्रष्टकातर्फबाट अस्पताललाई २०० थान पिपिई,२०० थान मास्क, २०० थान ग्लोब्स र २०० थान स्यानिटाईजर हस्तान्तरण गर्नुभएको बताइएको छ।

यसैगरी नेपालको पश्चिमी नाका गौरीफन्टाको लागि १ सय थान पिपिई, २हजार ५ सय थान सर्जिकल मास्क, २हजार ५ सय थान ग्लोब्सका साथै १हजार ५ सय कार्टुन पानी र १० हजारवटा साबुनको लागि आवश्यक रकम उपलब्ध गराइएको सो संस्थाले जनाएको छ। ट्रष्टले नेप्सेम्याक नामक फोहोरमैला संकलन केन्द्रलाई १० थान पिपिई, १०-१० थान सर्जिकल मास्क र युटिलिटि ग्लोब्स सहितको सामग्रीका साथै त्रिभुवन बिश्वविद्यालयका विद्यार्थी र संस्थाहरुलाइ राहत उपलब्ध गराइएको जनाएको छ।

ट्रष्टले यसअघि पनि कोरोना भाइरस बिरुद्धको लडाइँमा अग्रमोर्चामा रहेर काम गरिरहेका स्वास्थ्य संस्था,स्वास्थ्यकर्मीलाइ स्वास्थ्यसामाग्री उपलब्ध गराउनुका साथै बिपन्न नागरिकहरुलाइ राहत उपलब्ध गराएको थियो।