काठमाडौं । ‘द हिडन ट्रेजर’ले बहुचर्चित सुन्दरी प्रतियोगिता मिस नेपाल २०२०को अडिसन स्थगित गरेको छ । नेपालका मुख्य शहरमा अडिशन सकिए पनि कोरोना भाइरसको त्रासका कारण काठमाडौं अडिशन स्थगित गरिएको आयोजक ‘द हिडन ट्रेजर’का निर्देशक सुवर्ण क्षेत्रीले जानकारी दिएका छन् । क्षेत्रीका अनुसार सो प्रतियोगिताको काठमार्डौ अडिसन वैशाख १८ गतेपछि आयोजना गरिने छ । मिस नेपाल २०२० को पोखरा, चितवन, वीरगञ्ज, धरान, विर्तामोड, बुटवल, नेपालगञ्ज र धनगढी अडिसन भने यस अघि नै सम्पन्न भइसकेको छ ।