सोलुखुम्बु।थुलुङ दुधकोशी गाउँपालिकामा आजबाट अध्यक्ष रनिङ शिल्ड प्रतिगिता सुरु हुने भएको छ।

सो प्रतियोगितासंगै मुक्लीमा निर्माण गरिएको प्रदेशस्तरिय खेल मैदानको गाउँपालिका अध्यक्ष अशिम राईले शनिबार मुक्लीमा उद्घाटन गरेका हुन् । जिल्लाकै ठुलो दावी गरिएको खेलमैदानको ग्राउन्ड बनाउने तथा ग्याभिङको काम सकिएसँगै उद्घाटन गरिएको हो । कर्भडहल, सुईमिङ पुल, प्याराफिट लगायतका संरचनाहरु निर्माण निर्माण हुन बाँकी रहेको गाउँपालिकाले जनाएको छ ।

३२ रोपनी क्षेत्रफलमा निर्माणाधिन उक्त खेलमैदानको डिपीआर १६ करोडमा तयार गरिएको जनाइएको छ ।कार्यक्रममा उपाध्यक्ष सविता राई, विभिन्न वडाका जनप्रतिनिधि लगायत स्थानीयको बाक्लो उपस्थिती रहेको थियो।