काठमाडौं,१२ असार ।नेकपा (माओवादी केन्द्र) का अध्यक्ष पुष्पकमल दाहालले अव अदृश्य शत्रुहरूविरुद्धको संघर्ष सुरु भएको बताउंदै ‘नयाँ युद्ध’ का लागि तयार रहन कार्यकर्तालाई निर्देशन दिएका छन् ।

बिहीबार अखिल नेपाल ट्रेड युनियन महासंघको केन्द्रीय समितिको बैठकमा बोल्दै दाहालले हतियारको लडाइँ सकिए पनि प्रणालीभित्र
कर्मचारीतन्त्र, दलाल पुँजीवाद र बिचौलियाहरू अदृश्य शत्रुका रूपमा रहेको बताए । उनले भने, ‘हामीले युद्धबाट राजनीतिक व्यवस्था त बदल्यौं, तर त्यो व्यवस्था चलाउने संयन्त्र हाम्रो अनुकूल छैन। त्यसैले हाम्रो लडाइँ अझै सकिएको छैन, यो नयाँ चरणको लडाइँ हो।’

युद्ध र क्रान्तिबाट राजनीतिक प्रणाली परिवर्तन गरे पनि राज्य संयन्त्र (कर्मचारीतन्त्र, न्यायालय) पुरानै अवस्थामा रहेकाले जनताको पक्षमा ल्याइएका ऐन-कानुन समेत कार्यान्वयन हुन नसकेको उनको भनाई थियो। file foto