काठमाडौं,२८ जेठ। बहुप्रतिक्षित संवैधानिक निकायका ५२ पदाधिकारी नियुक्तिसम्बन्धी मुद्दाको निर्णय सुनाउने मिति फ़ेरि पछि सरेको छ । चार वर्षअघिको विवादमा सर्वोच्च अदालतले आज निर्णय सुनाउने प्रतीक्षा गरिएको भए पनि अन्तिम समयमा फेरि अर्को दिन निर्णय दिने सूचना इजलासमा सुनाइएको छ। तर,अर्को मिति भने तय भएको छैन ।

सर्वोच्चको संवैधानिक इजलासमा गत जेठ १ गते सुनुवाइ सकेर आजका लागि निर्णय सुनाउने दिन तोकिएको थियो।आज बुधबार बिहानैदेखि प्रधानन्यायाधीश प्रकाशमानसिंह राउतको चेम्बरमा न्यायाधीशहरू सपना प्रधान मल्ल, कुमार चुडाल, मनोजकुमार शर्मा र नहकुल सुवेदी छलफलमा जुटेका थिए।

निकै गोप्य तबरमा भएको छलफलका विवरण बाहिर सार्वजनिक भएको छैन। १४ वटा निवेदन यही विषयमा परेका थिए। ती सबै निवेदन एकसाथ राखी सुनुवाइ भएको थियो।