दावा जाङबु शेर्पा,काठमाडौं।शेर्पा समाज माप्य दुधकोशीले १५ दिने शेर्पा मातृभाषा कक्षा सञ्चालन गर्ने भएको छ।

सोलुखुम्बु जिल्लाको माप्य दुधकोशी गाउँपालिका वडा नं-१ बुम्बुरी,वडा नं ४ घुम्नेमेरा,वडा नं ५ नाम छाँगा र वडा नं ७ हिल,छेचिवा,सोलाबन,सिबुचे,फुर्छेबाट काठमाडौ आइ अस्थायी र स्थायीरुपमा बसोबास गरिरहेका शेर्पा सामुदायका बालबालिकाहरुलाई लक्षित गरि दशैं बिदाको अवसर पारेर सो संस्थाले १५ दिने शेर्पा मातृभाषा कक्षा सञ्चालन गर्न लागेको हो।

आफ्नो मातृभाषा,संस्कृति र परम्पराको संरक्षण गरी पुस्तान्तरण गर्न र बालबालिकाको क्षमता अभिवृद्धि गर्न र उनीहरूलाई नयाँ कुरा सिक्नको लागि मार्गदर्शन गर्ने उद्देश्यले सञ्चालन गर्न लागिएको सो कक्षामा सहभागी हुन इच्छुक ९ बर्ष देखि माथिका बालबालिकाहरुलाई समयमै कार्यसमितिका पदाधिकारीहरुलाइ सम्पर्क गरी आफ्नो सिट सुरक्षित राख्न शेर्पा समाज माप्यदुधकोसी सोलुखुम्बुका अध्यक्ष पासाङ शेर्पाले आग्रह गरेका छन्।