काठमाडौं।नेपाल पुलिस क्लबले काभा महिला भलिबल क्लब च्याम्पियनसिपको उपाधि जित्न सफल भएको छ।

शनिबार माल्दिभ्सको राजधानी मालेमा भएको फाइनल खेलमा पुलिसले उज्बेकिस्तानको हुमो भलिबल क्लबलाई ३-० को सेटमा पराजित गर्दै ताज जितेको हो।

पुलिस क्लबले पहिलो सेटमा प्रभावकारी प्रदर्शन गर्दै २५-१६ को अन्तरले जित निकालेको थियो।दोस्रो सेटमा पनि उनीहरूको खेलमा निरन्तरता रह्यो, जहाँ २५-२२ को सेट जितेर २-० को अग्रता बनाए।

तेस्रो र अन्तिम सेटमा पनि पुलिसले दबाब बनाइराख्दै सेट २५-२२ मा जितेर च्याम्पियनशीपको उपाधि आफ्नो नाममा अंकित गर्यो नेपाल पुलिस क्लब नेपालको प्रतिनिधित्व गर्दै यो प्रतियोगिता खेल्न गएको हो ।