मोरङ।मोरङको सुन्दरहरैँचा नगरपालिका–९ का ४९ वर्षीय सहदेव बजगाईँको हत्या भएको छ।घरनजिकै कुखुरा फर्म सञ्चालन गर्दै आएका बजगाईँको त्यही फार्मभित्र बिहीबार करिब साढे १० बजे शव फेला परेको हो ।

प्रहरीका अनुसार बजगाईँको टाउको क्षतविक्षत अवस्थामा भेटिएको छ भने शरीरका अन्य भागमा चोट देखिएको छ । घटनास्थलमा रगत लत्पतिएको अवस्थामा एउटा बन्चरो र दाउ फेला परेको प्रहरीले जनाएको छ ।

उनको आफ्नै कर्मचारीले हत्या गरेको हुनसक्ने प्रहरीले आशंका रहेको छ । हत्यामा संलग्नको पहिचान भइसकेको मोरङ प्रहरीका प्रमुख एसपी नवराज कार्कीले बताए।फर्ममा काम गर्ने कर्मचारीबाट हत्या भएको प्रारम्भिक चरणको अनुसन्धानबाट देखिएको उनले बताए । ‘हत्या भएपछि दम्पती फरार छन्,’ उनले भने ‘खोजी कार्य तीव्र बनाएका छौँ ।’

मृतकको शरीरमा पनि बन्चरो र दाउले प्रहार गरेजस्तो चोट देखिएको प्रहरीले जनाएको छ ।(सांकेतिक तस्बिर)