सोताङ : ५ नं वडामा एमालेका उम्मेदवार सर्बसम्मत चयन,वडाध्यक्षमा मानबीर
सोलुखुम्बु ।आगामी स्थानीय तह निर्बाचनका लागि सोताङ गाउँपालिकाको वडा नं ५ मा नेकपा एमालेले उम्मेदवारको टुंगो लगाएको छ।
बिहिवार वडा कमिटी अध्यक्ष छत्र बहादुर नाछिरिङको अध्यक्षता सम्पन्न ५ नं वडा कमिटीको बैठकले वडाध्यक्षसहित सदस्यका उम्मेदवारहरु सर्बसम्मत रूपमा चयन गरेको अनेरास्ववियुका नेता मिलन नाछिरिङले जानकारी दिए।
गाउँपालिका कमिटीका इन्चार्ज धनकुमार बिक,अध्यक्ष बिरबहादुर राई,जिल्ला कमिटी सदस्यद्वय प्रकाश कार्की र पृथु कार्की लगायतको उपस्थितिमा सम्पन्न बैठकले वडाध्यक्षका लागि मानबीर राई, दलित महिला सदस्य तारा बिक, खुल्ला सदस्य, मनोज तामाङ, यादव नाछिरिङ र महिला सदस्यमा तारा कटुवाल सर्बसम्मत चयन गरेको नाछिरिङले जानकारी दिए।
आगामी बैशाख ३० गतेका लागि घोषणा गरिएको स्थानीय तहको निर्बाचनका लागि एमालेका तर्फबाट घोषणा गरिएको यो पहिलो उम्मेदवारी हो।