सौराहा ।नेकपा एमालेको १० औं महाधिवेशनका क्रममा नेतृत्वका लागि भएको निर्बाचनमा पदाधिकारी तर्फ अष्टलक्ष्मी शाक्यले सर्बाधिक बढी मत प्राप्त गरेकि छन् ।

निर्बाचन आयोगद्वारा मंगलबार सांझ घोषणा गरेको मत परिणाम अनुसार शाक्यले उपाध्यक्ष पदमा१९७६ मत प्राप्त गरेकी हुन्।

उपाध्यक्षमा शाक्यपछि सुरेन्द्र पाण्डेले १९२५, सुवास नेम्वाङ १८६५, विष्णुप्रसाद पौडेल १८५६, युवराज ज्ञवाली १८४२ र रामबहादुर थापा बादल १७६८ मत ल्याएर विजयी भएका छन्।उपाध्यक्षमा उम्मेदवारी दिएका घनश्याम भुसाल भने ७२५ मत ल्याएर पराजित भएका छन् ।

उता सचिवमा भने गोकर्ण विष्टको मत सबैभन्दा बढी छ।उनले १९७४ मत ल्याएका छन् भने दोश्रो मत योगेश भट्टराईको छ।उनले १९६० मत प्राप्त गरेका छन् ।त्यसपछि टोपबहादुर रायमाझी १८०४,​ छविलाल विश्वकर्मा १८०३, पद्मा अर्याल १७९९, लेखराज भट्ट १७०४ र रघुवीर महासेठ १५०० मत ल्याएर विजयी हुँदा ७ सय ८८ मत ल्याएका भीम आचार्य र ५ सय ५९ मत ल्याएका टंक कार्की पराजित भएका छन् ।

निर्बाचनमा अध्यक्षमा निर्बाचित केपी शर्मा ओलीले १८३७ र उनका प्रतिस्पर्धी भीम रावलले २ सय २३ मत प्राप्त गरेको आयोगले जनाएको छ ।

यस्तै वरिष्ठ उपाध्यक्षमा ईश्वर पोखरेल,महासचिवमा शंकर पोखरेल तथा उपमहासचिवमा पृथ्वीसुब्बा गुरुङ, प्रदीप ज्ञवाली र विष्णु रिमाल निर्विरोध निर्वाचित भएका छन् ।