काठमाडौं। हिन्दु र मुस्लिम समुदायका युवाहरूबीछ झडप भएपछि जिल्ला प्रशासन कार्यालय धनुषाले जनकपुरधाम क्षेत्रमा निषेधाज्ञा जारी गरेको छ।

शनिबार धनुषा जनकपुरधाम उपमहानगरपालिका(२० देवपुरा रुपैठा भन्ने ठाउँमा केही उच्छृङ्खल व्यक्ति तथा समूहहरुले जिल्लामा सम्प्रदायिक सद्भावमा खलल पुग्ने गरी नारा जुलुस हुलहुज्जत गरिरहेकाले तत्कालको शान्ति सुरक्षाको अवस्थालाई मध्यनजर गर्दै निषेधाज्ञा जारी गरिएको प्रमुख जिल्ला अधिकारी बन्धुप्रसाद बास्तोलाले जानकारी दिए।

पूर्वमा जलाद नदीको कलरी बाँध, पश्चिममा जनकपुर जटही मार्ग दोबाटो, उत्तरमा हनुमाननगर रामपुर बहुअर्वा जाने बाटो र दक्षिणमा देवपुरा निमचौकदेखि बहुअर्वा जाने बाटोसम्म चारकिल्ला तोकेर स्थानीय प्रशासन ऐन, २०२८ को दफा ६९३ क० बमोजिम निषेधाज्ञा जारी गरिएको हो।