काठमाडौं।चुनाव चिन्ह किताब प्रस्ताव गरेको नेकपा (एकीकृत समाजवादी)ले कलम चिन्ह राख्ने निर्णय गरेको छ।

सो पार्टीको बिहिवार बसेको स्थायी कमिटीको बिहीबारको बैठकले चिन्ह फेरबदल गर्ने निर्णय गरेको हो । उक्त चिन्ह यसअघि माधव नेपाल निकट युवा नेता जीवन राईको नाममा दर्ता भएको नेकपा एकीकृत पार्टीले पाएको थियो । राई पनि नेपालकै पार्टीमा रहने भएपछि चिन्ह फेरेर उक्त चिन्ह नेकपा (एस)मा ल्याउन लागिएको हो ।

यसैबीच नेकपा (एस)ले पार्टीको केन्द्रीय कार्यालय र केन्द्रीय सचिवालयको टुंगो लगाएको हो । केन्द्रीय सचिवालय महासचिव बेदुराम भुसालको नेतृत्वमा ११ सदस्यीय हुनेछ । केन्द्रीय कार्यालयमा पनि महासचिव भुसालको नेतृत्वमा ५ जनाको हुनेछ।

बैठकले प्रदेश १ र बाग्मती प्रदेशमा मुख्यमन्त्रीसहित चारवटा मन्त्रालय लिएर सरकारमा जाने भएको छ । नयाँ बानेश्वरमा आज बसेको स्थायी कमिटी बैठकबाट नेकपा (एस)ले चार मन्त्रालय र एक राज्यमन्त्री लिएर सरकारमा जाने निर्णय गरेकाे नेता जगन्नाथ खतिवडाले जानकारी दिए ।