सोलुखुम्बु, २५ मंसिर ।समाज सेवाको उद्देश्यले खोलिएको सामाजिक संस्था पेल्माङ बिकासका लागि सहयोगी हातहरुले बिहिवार महाकुलुङ गाउँपालिकामा राहत बितरण गरेको छ।

गाँउपालिकाको वडा नम्बर – २ रहेको साबिकको बुङ गाबिस वडा नम्बर -३ का ५२ घर परिवारका असहाय,अपांग,वृद्ध र एकल महिला हरुलाइ राहत बितरण गरिएको संस्थाका अध्यक्ष मछिन्द्र राईले जानकारी दिए।अध्यक्ष राइका अनुसार उनीहरूलाई राहत स्वरूप ३० किलोका दरले ५२ बोरा चामल बितरण गरिएको छ।

मागोर्लिज-पेल्माङ ई.भी. जर्मनीको आर्थिक सहयोगमा पेल्माङ बिकासका लागि सहयोगी हातहरुले सो राहत उपलब्ध गराइएको राइले रहस्य खबरलाई बताए ।