गजल
*विष्णु ढुङ्गेल ‘माइकल’
फाइदा हेरि गुनगान गाइन्छ मेरो देशमा ।
भ्रष्टाचार गर्दा इनाम पाइन्छ मेरो देशमा ।
डाडुपन्यू हातमा छँदा आसेपासे जम्मा गरि,
सेटिङमा सयौं करोडौं खाइन्छ मेरो देशमा ।
माटोसँग सिमेन्ट मुछि नयाँ भवन बनाई,
बाहिरबाट राम्रो रङ लाइन्छ मेरो देशमा ।
पाउ मोल्न कुराउनी र केराको काइयो बोकी,
पद खोज्दै नेताको घर धाइन्छ मेरो देशमा ।
लोकसेवा पास भई सरकारी जागिर खान,
कापी जाँच्ने आफन्तजन चाहिन्छ मेरो देशमा ।
स्यालले चल्लो लगे विरोध गरी टायर बाल्दै
हुल जुटाई सडकमा आइन्छ मेरो देशमा ।
राजनीतिमा वैकल्पिक नयाँ पुस्ता खोज्छौ भने,
बहरसँग बुढो गोरु दाइन्छ मेरो देशमा ।
चुनावमा नानाथरी भाषणबाजी गरे पनि,
काम होइन मुख मात्रै बाइन्छ मेरो देशमा ।
राहातको नाम गरि ठूलो हेलिकप्टर चढि,
झुल्न लागेको धानबारी साइन्छ मेरो देशमा ।
फाइदा हेरि गुनगान गाइन्छ मेरो देशमा ।
भ्रष्टाचार गर्दा इनाम पाइन्छ मेरो देशमा ।
डाडुपन्यू हातमा छँदा आसेपासे जम्मा गरि,
सेटिङमा सयौं करोडौं खाइन्छ मेरो देशमा ।
माटोसँग सिमेन्ट मुछि नयाँ भवन बनाई,
बाहिरबाट राम्रो रङ लाइन्छ मेरो देशमा ।
पाउ मोल्न कुराउनी र केराको काइयो बोकी,
पद खोज्दै नेताको घर धाइन्छ मेरो देशमा ।
लोकसेवा पास भई सरकारी जागिर खान,
कापी जाँच्ने आफन्तजन चाहिन्छ मेरो देशमा ।
स्यालले चल्लो लगे विरोध गरी टायर बाल्दै
हुल जुटाई सडकमा आइन्छ मेरो देशमा ।
राजनीतिमा वैकल्पिक नयाँ पुस्ता खोज्छौ भने,
बहरसँग बुढो गोरु दाइन्छ मेरो देशमा ।
चुनावमा नानाथरी भाषणबाजी गरे पनि,
काम होइन मुख मात्रै बाइन्छ मेरो देशमा ।
राहातको नाम गरि ठूलो हेलिकप्टर चढि,
झुल्न लागेको धानबारी साइन्छ मेरो देशमा ।
नेचा सल्यान-३, सोलुखुम्बु